تبلیغات
اشعار ترکی در وصف محرم - تمثیلاً زبان حال مولا بر بالین حضرت عباس "دور ای امیر لشکریم عباس"
 
اشعار ترکی در وصف محرم

     دور ای امیر لشکریم عباس    بوچولده یار و یاوریم عباس

    دوشن اوزون بو قول‌لارا قربان    یگانه بال و شهپریم عباس

      دور ای امیر و سر سپاهیم    اویان امید خئیمه گاهیم

                               گوز آچ امیدیم ای پناهیم 

             اویان بو چولده حیدریم    یگانه یار و یاوریم

                عباس عباس           عباس عباس

گلوبدی باشین اوسته قارداشون  دیز اوسته قوی بو پارچالان باشون

گوز آچ گوروم بو قان اولان گوزلر   سیلیم بو قانلی گوزلرون قاشون

     اویان اویان وفالی قارداش      اویان اویان حیالی قارداش

                   اویان اویان صفالی قارداش

         دور ای یگانه آذریم        دور ای وفالی یاوریم

              عباس عباس          عباس عباس

بهار فصلی گول خزان اولماز   بئلنچی گول‌ستان دا گول سولماز

سنون کیمی بو جنگه کیم گئدسه  نه باش نه گوز ایکی قولی قالماز

دور ای بو باشی پارچالانمیش        دور ای عزاری یئرده قالمیش

                  دور ای فراتی تکجه آلمیش

      دور ای منیر عالمیم          دور ای حصار محکمیم

               عباس عباس          عباس عباس

گئدنده حالیوی یامان گوردیم     وداع وقتی ناگران گوردیم

دگنده اوخ سو مشکینه قارداش   اُو حالی بیرده اُول زمان گوردیم

   چتیندی یالقوزام فراقون    اُوپوم بو قان اولان دوداقون

                     ایاقه دور گلوب قوناقون

          دور ای عموی اکبریم     مثال مالک اشتریم

               عباس عباس          عباس عباس

منیم ای آرخام ای ائلیم قارداش   همیشه پشت و حائلیم قارداش

گورنده قطعه قطعه بو جسمین    بوکولده ایمدی بو بئلیم قارداش

دور ای حسینه قدرت جان       دور ای که ساقی لب عطشان

                   دور ای شکسته جانه قربان

        دور ای وفالی افسریم   دور ای عقاب لشکریم

               عباس عباس          عباس عباس

قالوب نه قدر یئرده بو یوزون      باتوبدی تپراقا ایکی گوزون

یوبانمیشام گلم باشین اوسته      وار ایمدی آگهم منه سوزون

اویان کلیم خوش بیانیم          اویان بو چولده پاسبانیم

                    اویان رشید دود و مانیم

       دور ای امیر شیر شیر       دور ای امیر سر به زیر

              عباس عباس          عباس عباس

اولئیدی بو ایکی قولون ای کاش      اولئیدوق ایمدی قول بویون قارداش

گل ایمدی باغریما باسیم جسمون    قویان منی بو چولده تک یولداش

      اویان بئله یارالی قارداش    اویان باشی بلالی قارداش

                اویان گوزل        حیالی قارداش

         دور ای امیر اطهریم      دور ای مثال بوذریم

              عباس عباس          عباس عباس

دوشنده مشکله آدون سسلر    دچار درد اولان دوا ایستر

دُویر قاپون هامی جوان قوجا    هامی بو بابه التجاء ائیلر  

همیشه وردو ذکر "دلبند"     گوزل آدون هماره سربند

                 منم قاپوندا بئیله پابند

        آدون دوادی دردلره     صفا وئرر بو دللره

          عباس عباس          عباس عباس





نوع مطلب :
برچسب ها :
لینک های مرتبط :


سه شنبه 13 آبان 1393 10:02 ب.ظ
زیبا بود خئا قبول کند
 
لبخندناراحتچشمک
نیشخندبغلسوال
قلبخجالتزبان
ماچتعجبعصبانی
عینکشیطانگریه
خندهقهقههخداحافظ
سبزقهرهورا
دستگلتفکر


درباره وبلاگ


مدیر وبلاگ : محمدزاده (دلبند)
نظرسنجی
نظرتون درباره ی اشعار چیست؟







نظرتون درباره ی اشعار چیست؟







نظرتون درباره ی اشعار چیست؟







جستجو

آمار وبلاگ
کل بازدید :
بازدید امروز :
بازدید دیروز :
بازدید این ماه :
بازدید ماه قبل :
تعداد نویسندگان :
تعداد کل پست ها :
آخرین بازدید :
آخرین بروز رسانی :

كد نوحه

كد مداحی

ابزار وبلاگنویسی