تبلیغات
اشعار ترکی در وصف محرم - "زبان حال حضرت رقیه"
 
اشعار ترکی در وصف محرم
یکشنبه 17 آذر 1392 :: نویسنده : "محمدزاده" دلبند

 

کنج ویرانییه گل بو گئجه احساندی بابا          بو یئتیمه بالاوون حالی پریشاندی بابا

غملریمدن دئمورم قانلی گوزون قانه دونر     حرمون حالی دونوب حالت ویرانه دونر

حال غم خانه دونر هنگ عزا خانه دونر         بو چیچیک خانه دلده نئجه طوفاندی بابا

 

باشیوی باغریما باسدوقجا سنه جان دییه رم    هارا گئدسه بو باشون منده دالینجا گله رم

اذن وئرسن یورولوبدور ایاقیم دینجه له رم       بو یارالی ایاقیمدن توکولن قاندی بابا

دئموسن صورتیمون رنگی نییه قاندی نییه      رُخمون بیر طرفی حالتی الواندی نییه

دئموسن پنجه روبه دی یا انساندی نییه          ضربت سیلی اُول ثانی دوراندی بابا

باشیوون لطفی منی بو گئجه مدهوش ائله دی   هجر اودون شعله سی نی قلبیده خاموش ائله دی

بو یئتیمه قیزین آلامی فراموش ائله دی          ایمدی ویرانه منه روضه رضواندی بابا

سن هارا من هارا بو خلوت کاشانه هارا            گلشن و جنت هارا گوشه ویرانه هارا

دوش پیغمبر هارا نیزه عدوانه  هارا             قوی سیلیم گوز یاشیلان بودوداقون قاندی بابا

بیر یئتیمه بالانون حالی دونر آخشاملار          گوز تیکر یول لارا گوز یاشین الر آخشاملار

بو امیدیله بابام گلسه گلر آخشاملار               سن گئدندن منیم آخشاملاریم افغاندی بابا

نئچه گوندور سوزومی کیمله بیان ائتمه میشم    دشمنیم سیلی ووروب زارو فغان ائتمه میشم

عمه دن سونرا کیمه زخمی عیان ائتمه میشم     آچیلوب ایمدی دلیم نوبت افغاندی بابا

کربلادن منی بو شامه جه آغلاتدی باشون         گوزومون یاشینی خون دلیمه قاتدی باشون

بولمورم کنج تنور ایچره نئجه یاتدی باشون   هر گئجم اُول گئجه دن چون شب ظلماندی بابا

آلارام باشیوی آغوشیمه نازین چکه رم              باشدا که یاره وی گوز یاشیله مرحم ائده رم

نه غذا وار نه سو وار ایمدی سنه جان وئره رم     اف قیل دختریوین خانه سی ویراندی بابا

محمدزاده "دلبند" آبان 92   

 





نوع مطلب :
برچسب ها :
لینک های مرتبط :


چهارشنبه 12 اردیبهشت 1397 02:03 ب.ظ
عالی اجرت با امام حسین
 
لبخندناراحتچشمک
نیشخندبغلسوال
قلبخجالتزبان
ماچتعجبعصبانی
عینکشیطانگریه
خندهقهقههخداحافظ
سبزقهرهورا
دستگلتفکر


درباره وبلاگ


مدیر وبلاگ : محمدزاده (دلبند)
نظرسنجی
نظرتون درباره ی اشعار چیست؟







نظرتون درباره ی اشعار چیست؟







نظرتون درباره ی اشعار چیست؟







جستجو

آمار وبلاگ
کل بازدید :
بازدید امروز :
بازدید دیروز :
بازدید این ماه :
بازدید ماه قبل :
تعداد نویسندگان :
تعداد کل پست ها :
آخرین بازدید :
آخرین بروز رسانی :

كد نوحه

كد مداحی

ابزار وبلاگنویسی