تبلیغات
اشعار ترکی در وصف محرم - "کربلا ملکی"
 
اشعار ترکی در وصف محرم
یکشنبه 17 آذر 1392 :: نویسنده : "محمدزاده" دلبند

جهانی خلق ائلیین اُول خدای سبحاندور     همیشه خلقتینه، جمله خلق حیراندور

چکوبدی دورسینه جمله اُول کُرات شکیل   آی اولدوزی گونی گویده گوزل نمایاندور

آلوبدی هرطرفین برّ و نهر و دریالر             بیرینده امن و امانلیق بیرینده طوفاندور

آخور دوشونده نئجه گوز یاشی کیمین سولاری  بُلاغی چشمه لری سینه سینده غلطاندور

 

اَسور بیر عده دیار ایچره  دلنواز نسیم     بیر آیئری یئرده ولی یئلدی سئیلدی طوفاندور

ائدوبدی گوللریله بو یئری ائله تزئین       گوزلیقی ایگی عطری صفای هرجاندور

آقاج دا میوه‌سی هر جورسه شاخه‌سی برگی   تعجب ائتمه بو خلقت خدایه آساندور

وئروبدی عالم دورت فصل بیربیریندن خوش   یازی یایی پائیزی، اُول قیشیله عنواندور

باخاندا جنگلی دشتی داغی داشی نه گوزل    چمندی گوندی چیچکدی گورنلر حیراندور

وحوشی هر طرفینده نباتی هر یئرده          طبیعتی بئله بیر رسم ائدن نه سلطاندور

قیلوبدی داغلاری خلاق، ستون بو عالم       بیرینده قار کولک اُولسا بیری گلستاندور

چکوبدی گورنه نظامه عنایت ائیله بشر       خدای خلقته باخ گور نئجه جهانباندور

وفور نعمته اوچون وار یئری که شکر ائیلییاق     همیشهه شکرائیلیین بنده راهی تاباندور

غرض بو سیئر و صفادن یئرین بو شرحیندن      عیاندی خلق خدایه وفور نعماندور

تفکر ائیله بیر آز بو زمینه ده سال چیق      بولرسن اوندا که خالق نه قدر رحماندور

جهاندا وار نئچه یئرده هر دیاریدن افضل     نه قدر حرمت اولونسا مین ائیله شایاندور

دیار قدس و مدینه اُو مکه و عرفات           و بیرده طوس و نجف هر دیاره سلطاندور

وار اوندا بیرده دیاری دئسم آدون بولوسیز     او یئر که جمله دیاره عصاره جاندور

دیار عشقیدی دللر بو یئردن اُوتور اسور        او یئرکه جلوه گه عشق شاه خوباندور

قویوب بو ملکه قدم جمله انبیاء و رُسل        بو ملک زائری اُول موسی ابن عمراندور

تمام ملک جهانه بو یئر مفخرّ دور               قیلان بو ملکی مصفا اوُ شهریاراندور

همان اوُ کعبه دن اشرف همان بو کربُ بلا    بو ملک شاهینه خادم تمام شاهاندور

بو یئرده قانه بویاندی همان حسین غریب      جهانه وئردی نشان که بو عشق جاناندور

حسینون آخدی بو یئرده نه ظلمیلن قانی     بو علّته بو یئرین خاک پاکی الواندور

من عاشقم اوُ خدایه قیلوب بونی اظهار        جهاندا هر نه واریم دور خدایه قرباندور

گلوبدی نطقه اُودم که دوشوبدی قتلگهه      الست باغلادیم ایمدی وفای پیماندور

سوسوزهمی یارالی یالقوزام اوزون گوروسن   گوتورمور ال هله بو شمر غریبه دوراندور

گئدوبدی اصغریم الدن آلوبلا اکبریمی         اورکده داغ اوغولدان بو سینه سوزاندور

قالوبدی قارداشیم عباس کنار القمده          دوشوبدی قول لاری تندن حسین پریشاندی

قالار نه حاله خدا زینبیم بئله گورسه            دیلیمده نای سخن یوخ سخن فراواندور

اُو گون که قالدی بو یئرده اُو اوخلانان پیکر    ندا یئتیشدی سمادن حسینیم عریاندور

گلوب نوایه بو یئرده یارالی زهراسی            دوتوب بو چولده عزا بیرحسینه نالاندور

غرض بو خاکی او قانلار قیلوبدی خاک شفا       جمیع دردلره جانا ترابی درماندور

گزر بو کرب بلانی یقینن یئنه زینب           سو جامی الده بو ذکری حسینیم عطشاندور

همان او دشت بلا اُول یانان قراء تپراق        اولوبدی روضه رضوان نئجه گلستاندور

سنون همیشه قالوبدور سخا الینده گوزوم     عیاندی عالمه "دلبند" بو شاه خوباندور

منیمده سائله بنظر قالوب قاپوندا گوزوم        کرمله باخ شه عالم سنه بو آساندور

محمدزاده "دلبند" آبان 92



 





نوع مطلب :
برچسب ها :
لینک های مرتبط :


جمعه 4 اسفند 1396 05:42 ب.ظ
وای، طرح بندی وبلاگ عالی! چقدر سابقه بلاگ نویسی دارید؟
شما وبلاگ نویسی را آسان کردی. نگاه کلی شما
سایت فوق العاده است، بجز محتوای آن!
 
لبخندناراحتچشمک
نیشخندبغلسوال
قلبخجالتزبان
ماچتعجبعصبانی
عینکشیطانگریه
خندهقهقههخداحافظ
سبزقهرهورا
دستگلتفکر


درباره وبلاگ


مدیر وبلاگ : محمدزاده (دلبند)
نظرسنجی
نظرتون درباره ی اشعار چیست؟







نظرتون درباره ی اشعار چیست؟







نظرتون درباره ی اشعار چیست؟







جستجو

آمار وبلاگ
کل بازدید :
بازدید امروز :
بازدید دیروز :
بازدید این ماه :
بازدید ماه قبل :
تعداد نویسندگان :
تعداد کل پست ها :
آخرین بازدید :
آخرین بروز رسانی :

كد نوحه

كد مداحی

ابزار وبلاگنویسی